Մեկ տասնամյակից ավելի երգահան Ժաննա Բլբուլյանի երգերը ծանոթ են հայ ունկնդրին: Նուրբ քնարականությամբ, մեղեդայնությամբ աչքի ընկնող նրա ստեղծագործությունները տեղ են գտել տարբեր սերնդի մեր երգիչ-երգչուհիների երգացանկում /Սյուզան Մարգարյան, Անահիտ Մանուկյան, Միստեր Իքս, Զարուհի Բաբայան, Դավիթ Մինասյան, Սոֆի Մխեյան, Լեյլա Սարիբեկյան, Զարուհի Բաբայան… /Իսկ երգերի խոսքերի անփոփոխ հեղինակը եղբայրն է ` բանաստեղծ Լևոն Բլբուլյանը:
"Խաչված սրտեր”-ը թողարկվել է 1993թ.-ին: Սկավառակի բոլոր երգերի երաժշտության հեղինակը Ժաննա Բլբուլյանն է, ում մեղեդիները, իր իսկ խոստովանությամբ, շատ հանկարծակի ու ինքնաբուխ են ծնվում. Դրանք որոշակի հոգեվիճակի ու տրամադրության արտահայտություններ են”:
"Ես շատ կոմպոզիտորների հետ եմ երգեր գրել և համագործակցությունը, հաղորդակցությունը նրանցից յուրաքանչյուրի հետ, անշուշտ, յուրովի հետաքրքիր է ու հաճելի: Եվ սակայն, վստահ կարող եմ ասել, որ Ժաննայի հետ համատեղ ստեղծած մեր երգերը մի տեսակ ավելի հեշտ ու ինքնաբուխ, մեծ մասամբ սպասված ծնունդ են ունենում, ասես միասնական մի ներշնչումով: Նուրբ ու քանարական, զարմանալի պարզ ու հոգեմոտ նրա մեղեդիները հաճախ պարզապես "պահանջում են” իրենց համար բանաստեղծական խոսքեր գտնել…”:
Լևոն Բլբուլյան
Ես բարեբախտություն եմ համարում իմ համագործակցությունը այնպիսի մի բանաստեղծի հետ, ինչպիսին Լևոնն է, որ առանձնահատուկ հմտացել, կատարելագործվել է երգի ժանրում և չափազանց խստապահանջ է իր ամեն բառի, տողի, երգի յուրաքանչյուր շեշտ ու հնչյունի նկատմամբ: Սա ես ասում եմ ամենայն անաչառությամբ` բնավ հաշվի չառնելով, որ խոսում եմ եղբորս մասին: Նա գրեթե միշտ անսխալ, մեղեդուն համապատասխան սյուժե ու թեմա է գընում, և արդեն պատրաստի երգը լսելիս ես, ճիշտն ասած, հաճախ ավելի խոսքերով եմ տարվում: Իսկ հետո` հասկանում, որ շնորհիվ դրա սկսեցի իմ մեղեդին ավելի սիրել:
Ժաննա Բլբուլյան
*Երգերն առանձին ներբեռնելու համար սեղմեք վերնագրի վրա: *Եթե դժվարություն է առաջանում բեռնելու հարցում /երգն սկսում է հնչել և ոչ բեռնվել/, երգի վերնագրի վրա "աջ քլիք" արեք և պահպանեք /Save/ աուդիո ֆայլը:
|